Navigation Menu

Hi There, I am

About Me

Social media

Instagram

മൂന്നാം വയസ്സില്‍ മൂന്ന് അവയവങ്ങള്‍ ദാനം ചെയ്ത് അഞ്ജന അനശ്വരയായി

മൂന്നാം വയസ്സില്‍ മൂന്ന് അവയവങ്ങള്‍ ദാനം ചെയ്ത് അഞ്ജന അനശ്വരയായി
T- T T+
* അഞ്ജന യാത്രയായത് കരളും വൃക്കകളും കോര്‍ണിയയും ദാനം ചെയ്ത്
* ജീവിതം കിട്ടുന്നത് അഞ്ചുവയസ്സുകാരന്
* കേരളത്തിലെ അവയവദാതാക്കളില്‍ ഏറ്റവും പ്രായം കുറഞ്ഞ വ്യക്തി
* ശസ്ത്രക്രിയകള്‍ നടന്നത് എസ്.എ.ടിയിലും കിംസിലും 


തിരുവനന്തപുരം: എസ്.എ.ടി ആസ്പത്രിയില്‍ ചികിത്സയിലിരിക്കെ മസ്തിഷ്‌ക മരണം സംഭവിച്ച മൂന്നുവയസ്സുകാരി അഞ്ജനയുടെ അവയവദാനം ചരിത്രസംഭവമായി. കേരളത്തിലെ അവയവദാതാക്കളില്‍ ഏറ്റവും പ്രായം കുറഞ്ഞ വ്യക്തി എന്ന ഖ്യാതിയാണ് അഞ്ജനയെ അനശ്വരയാക്കുന്നത്.

ശനിയാഴ്ച രാത്രി മരിച്ച അഞ്ജനയുടെ കരളും വൃക്കകളും കോര്‍ണിയകളുമാണ് ദാനം ചെയ്തത്. തിരുവനന്തപുരത്തെ കിംസില്‍ ചികിത്സയില്‍ കഴിയുന്ന അഞ്ചുവയസ്സുകാരനാണ് കരളും വൃക്കകളും നല്‍കിയത്.

ശനിയാഴ്ച രാത്രി 11 മണിക്കാണ് അഞ്ജനയുടെ ശരീരത്തില്‍ നിന്ന് അവയവങ്ങള്‍ പുറത്തെടുക്കുന്ന ശസ്ത്രക്രിയ തുടങ്ങിയത്. ഞായറാഴ്ച പുലര്‍ച്ചെ 2.30 ഓടെ അവയവങ്ങള്‍ പൂര്‍ണ്ണമായും വേര്‍തിരിച്ചെടുത്തു. തുടര്‍ന്ന് അവയവങ്ങള്‍ കിംസിലേക്ക് കൊണ്ടുപോയി. അവിടെ ചികിത്സയില്‍ കഴിയുന്ന അഞ്ചുവയസ്സുകാരന്റെ ശസ്ത്രക്രിയ തുടരുകയാണ്. രാത്രിയോടെ കുട്ടിയുടെ ആരോഗ്യനിലയെ കുറിച്ച് വ്യക്തമായ സൂചന ലഭിക്കും.

കരകുളം ഏണിക്കര സ്വദേശി അജിത്തിന്റെ മകളാണ് അഞ്ജന. വ്യാഴാഴ്ച വീട്ടില്‍ കളിച്ചുകൊണ്ടിരിക്കെ ബോധംകെട്ടുവീഴുകയായിരുന്നു. ഉടന്‍തന്നെ ആസ്പത്രിയിലെത്തിച്ചെങ്കിലും ശനിയാഴ്ച രാത്രിയോടെ മസ്തിഷ്‌കമരണം സംഭവിച്ചു. ബന്ധുക്കളുടെ ഉപദേശം സ്വീകരിച്ചാണ് മകളുടെ അവയവങ്ങള്‍ ദാനം ചെയ്യാന്‍ മാതാപിതാക്കള്‍ തയാറായത്. 

0 comments: